Жыйында медициналык кызматтардын сапатын жана жеткиликтүүлүгүн жакшыртууга багытталган бирдиктүү жана туруктуу лаборатордук диагностика системасын иштеп чыгуу боюнча сунуштар каралды. Талап кылынган модель мамлекеттик жана жеке сектордун катышуусу менен улуттук лаборатордук диагностика структурасын түзүүнү, сапат жана башкаруу боюнча бирдиктүү стандарттарга ылайыкташтырууну камтыйт.
Катышуучулар лабораториялык кызматты башкаруу, эл аралык сапат стандарттарын киргизүү, санариптик мониторинг, ресурстарды оптималдаштыруу жана изилдөөлөрдүн тактыгын жогорулатуу маселелерин талкуулашты.
Мындан тышкары, медициналык калдыктарды башкарууну жакшыртуу боюнча кадамдар, мамлекеттик контролду күчөтүү жана дезинфекциялоо жана утилзациялоо үчүн заманбап технологияларды киргизүү маселелери талкууланды. Адистер лабораториялардын ишин стандартташтыруу жана медициналык калдыктар менен иш алып баруу системасы боюнча идеяларды сунушташты.
Досмамбетов лабораториялык кызматтын өнүгүшү жана медициналык калдыктарды эффективдүү башкаруу системасы саламаттык сактоо мамлекеттик саясатынын негизги аспекттери болуп, оорулардын алдын алууга, убагында диагноз коюуга жана жарандардын ден соолугун коргоого түздөн-түз таасир этерин белгиледи.
Профильдик бөлүмдөргө аталган багыттарды жакшыртуу жана белгиленген милдеттерди этап-этабы менен ишке ашыруу боюнча иштерди улантууну тапшырды.
