Луврду тоноо боюнча жүргүзүлгөн иликтөөдө француз укук коргоо органдары төртүнчү шектүүнү кармалды, деп билдирет РБК. Le Parisien басылмасынын маалыматына ылайык, кармалган адам бул кылмыштын түздөн-түз катышуучуларынын бири болуп саналат.
Кармалуу жума күнү эртең менен болуп, бандитизмге каршы күрөшүү бөлүмүнүн (BRB) кызматкерлери тарабынан жүргүзүлгөн. Бул адам полицияга мурда белгилүү болгон жана тергөө версиясына ылайык, мурда кармалган үч кылмышкер менен байланышта болгон.
Ошентип, Луврду тоноо боюнча кармалгандардын жалпы саны төрткө жетти. Маалыматты Париж прокуратурасына шилтеме берип Reuters агенттиги тастыктады. Кармалгандардын арасында 38 жана 39 жаштагы эки эркек, ошондой эле 31 жана 40 жаштагы эки аял бар.
Эскерте кетсек, тоноо 19-октябрда болуп, болгону жети мүнөткө созулган. Төрт кылмышкер жүк унаасына орнотулган автоподъемник аркылуу «Аполлон» галереясына кирип, бургу машиналарын колдонуп, француз королдугунун коллекциясынан болжол менен 88 миллион евро баалуу буюмдарды уурдашкан.
Ички иштер министри жана Париж полициясынын мурдагы башчысы Лоран Нуньес кылмышкерлерди «абдан тажрыйбалуу» деп мүнөздөдү.
