Учурда Самар облусунда эмгек мигранттарына 117 түрдүү жумуштарды аткарууга тыюу салынган. Мурдагы чектөөлөр такси, билим берүү мекемелери, дарыканалар жана жумушка орноштуруу агенттиктеринде иштеген чет элдик жарандар үчүн белгиленген.
Эми бул тизмек кыйла кеңейди, ал көптөгөн кесиптерди жана секторлорду камтыйт:
- соода;
- транспорт;
- жалпы тамактануу;
- өндүрүш ишканалары;
- курьердик кызмат;
- билим берүү мекемелери;
- медициналык мекемелер;
- информациялык технологиялар жана илим.
Айрыкча, мигранттарга мугалим, машыктыруучу, тарбиячы сыяктуу кесиптерде иштөөгө, ошондой эле соода, программалоо жана дрондорду чогултуучу заводдордо иштөөгө тыюу салынган.
Губернатордун буйругунда жергиликтүү деңгээлдеги компанияларга документте көрсөтүлгөн жаңы талаптарга ылайык “чет элдик кызматкерлердин санын” тууралоо үчүн үч ай берилгени да белгиленген.
Россияда патент боюнча иштеген эмгек мигранттарына мындай чектөөлөр өлкөнүн башка региондорунда да киргизилип жатат. Бошонгон вакансияларды орус жарандар же Евразия экономикалык биримдигине (Беларусь, Казакстан, Кыргызстан, Армения) кирген өлкөлөрдүн тургундары ээлейт деп күтүлүүдө.
