2026-жылдын 1-апрелинен тартып россиялыктар ЕАЭБ өлкөлөрүнө (Армения, Беларусь, Казакстан жана Кыргызстан) 100 миң доллардын эквивалентинен ашык акча рублдарын чыгара алышпайт. Бул жарлык Россиянын президенти Владимир Путин тарабынан кол коюлган.
Юридикалык жактар жана жеке ишкерлер үчүн чектөөлөр суммага карабай күчүндө болот. Бирок, Россиянын эл аралык аэропорттору аркылуу акча рублдарын чыгаруу мүмкүнчүлүгү сакталат.
Ошол эле учурда физикалык жана юридикалык жактар, ошондой эле жеке ишкерлер өз эсептеринен акча алынганын тастыктаган банк үзүндүлөрүн алып жүрүшү керек.
2026-жылдын 1-майынан тартып 100 граммдан ашык алтын куймаларын чыгарууга да чектөөлөр киргизилет. Бул куймаларды ЕАЭБ өлкөлөрүнө белгилүү аэропорттор аркылуу жана Федералдык пробирдик палатанын уруксаты менен чыгарууга болот. Физикалык жактар үчүн чектөөлөр ЕАЭБ өлкөлөрүнө гана эмес, башка мамлекеттерге да тиешелүү болот.
Россиянын Украинадагы аскердик аракеттеринин башталуусунан кийин, өлкөнүн бийлиги 10 миң доллардан ашык валюта чыгарууга чектөөлөрдү киргизген. Рубли чектөөсүз чыгарууга болот, бирок 10 миң доллардан ашык сумма декларациялоону талап кылат.
2025-жылдын декабрында Россиянын вице-премьер-министр Александр Новак өкмөттүн «белгисиз келип чыккан акча рублдарын, анын ичинде ЕАЭБ өлкөлөрүнө, көзөмөлсүз чыгарууга» жана алтын куймаларын чыгарууга тыюу салуу пландары тууралуу билдирген.
