Анын айтымында, өлкө боюнча 24 саат бою камералардын ишин көзөмөлдөгөн кырдаалдык борборлор иштеп жатат, бул жарандардын коопсуздугун камсыз кылат.
«Учурда республикада коомдук жайларда 3 миңден ашык видеокамера орнотулган. Ар бир катталган окуя райондук ички иштер органдарынын аймактык бөлүмдөрүнө мыйзамга ылайык кийинки аракеттер үчүн өткөрүлөт», — деди Алмаз Батырбаев.
Ошондой эле, ал 2026-жылы «Коопсуз өлкө» долбоорунун экинчи этабынын алкагында 20 миң жаңы видеокамера орнотуу пландалып жатканын кошумчалады.
«Процесс этап-этабы менен өтөт. Алгач адистер кылмыштардын көп кездешкен жерлерин талдайт. Мындан тышкары, камераларды орнотуу үчүн 24 сааттык электр энергиясы жана интернет байланышы сыяктуу инфраструктура болушу керек. Камералар түрлөрүнө жараша айырмаланат: кээ бирлери 360 градуска бурулуш мүмкүнчүлүгүнө ээ, ал эми башкалары стационардык болуп, бир багытта бекитилген», — деп кошумчалады ал.
