Тергөөнүн маалыматына ылайык, Б. Т. жана М. А. аттуу жеке авто мектептердин директорлору, делдал И. Т. аркылуу мыйзамсыз түрдө 40 000ден 120 000 сомго чейин чоң суммадагы акчаларды — жасалма окутуу үчүн алышкан. Алар жарандарды мамлекеттик портал аркылуу каттап, фактический окутусуз жасалма документтерди беришкен. Натыйжада, бир делдал аркылуу 244 адам катталып, 2 760 850 сомдук мыйзамсыз киреше алынган.
Тергөөнүн жүрүшүндө, делдал башында турган кылмыштуу топ ошондой эле коңшу өлкөлөрдөн келген жасалма документтер негизинде унааларды мыйзамсыз каттоого алектенгендиги аныкталды. "Унаа" кызматкерлери бул иш-аракеттерге көмөктөшүүдө шектелип, жасалма күбөлүктөрдү колдонуп, маалыматтарды базаларга киргизүү жана унааларды каттоо иштерин жүргүзүшкөн.
Иш боюнча, мыйзамсыз унааларды каттоого катыштыгы бар деген шек менен 1997-жылы туулган башкы адис С. Д. жана эки жаш адис К. У. менен У. А. бир айга кармалды.
Тергөөнүн жүрүшү уланууда, укук коргоо органдары бардык жагдайларды аныктоо жана күнөөлүүлөрдү жоопкерчиликке тартуу үчүн зарыл териштирүү иштерин жүргүзүүдө.
