Бул рейддер абанын сапатын жакшыртуу жана борбордогу булгануунун деңгээлин төмөндөтүү максатында туруктуу түрдө жүргүзүлөт.
Текшерүүнүн жүрүшүндө үч унаанын чыгарылган газдарынын булгануу деңгээли 50% дан ашык нормадан жогору экени аныкталды. «Коомдук тартип бузуу жөнүндө» кодексинин 234-беренесине ылайык, физикалык жактарга үч административдик протокол түзүлдү. Салынган айыппулдардын суммасы 22,5 миң сомду түздү.
Бул иш-чаралар айлана-чөйрөгө жана калктын ден соолугуна терс таасирин азайтууга, ошондой эле транспорт каражаттарынын ээлери арасында экологиялык жоопкерчиликти жогорулатууга жана экологиялык коопсуздукту камсыздоого багытталган.
