Шаар тургуну О.Н. 2-мартта милицияга кайрылып, компаниянын жетекчиси анын туристтик сапарын уюштуруу үчүн акча алганын, бирок өз милдеттерин аткарбаганын билдирген.
Жогорудагы окуя боюнча Кыргыз Республикасынын Кылмыш кодексинин 209-беренеси ("Алдамчылык") боюнча кылмыш иши козголду.
Тергөөнүн маалыматына ылайык, шектүү кардарынан алган ишенимин пайдалануу менен 307,5 миң сомду өзүнө ыйгарып, чоң материалдык зыян келтирген.
Первомай районунун оперативдүү-издөө башкармалыгы (ОИБ) Бишкектин ИИБнин УУРы менен биргеликте М.К. аттуу жаранды табуу боюнча иштерди жүргүзүп, социалдык тармактарды мониторинг кылуу менен аны тергөө кызматтарына жеткиришти.
Кыргыз Республикасынын Кылмыш-процессуалдык кодексинин 96-беренесине ылайык, ал Бишкектин ИИБнин убактылуу кармоо жайына (УКЖ) жайгаштырылды.
Учурда бардык жагдайларды аныктоо жана мүмкүн болгон башка жабырлануучуларды табуу боюнча тергөө улантылууда.
Маалымат: Адилет министрлигинин маалыматы боюнча, компаниянын директору жана негиздөөчүсү Кобукеева Мирэль Махмутовна.
