Анын айтымында, пункттун иштөө мезгилинде беш айдын ичинде эс алуучулардан 4 миллион 578 миң сом чогултулду.
«Биз орман фондунун абалын жакшыртуу үчүн ар кандай жерлерде экологиялык постторду орноттук. Биздин пункттун ишинен алынган каражат Каракол орман чарбасынын бюджетине жумшалды. Аларга беш даараткана курулду, капчыгай аркылуу өтүүчү жол оңдолду жана заманбап өткөрмө пунктун орнотууну пландап жатабыз. Мындан тышкары, эс алуу зонасында отургучтар жана башка ыңгайлуулуктар жайгаштырылат. Ошондой эле 100 карагай отургузулган аймакты көрктөндүрүү боюнча иштер башталды», - деп кошумчалады Н. Дюшенбиев.
