Текшерүү жүргүзгөн Кыргыз Республикасынын Улуттук коопсуздук мамлекеттик комитети уюшкан кылмыштуу топтордун кылмыштуу ишмердүүлүгүн каржылоонун жана мыйзамсыз жол менен алынган кирешелерди легалдаштыруунун фактыларын аныктады.
Бул иш-чаралардын натыйжасында, Ысык-Көл облусунун Түп районундагы Кутургу айылында жайгашкан «Дружба» эс алуу борбору Мамлекеттик мүлк башкармалыгы аркылуу мамлекеттин балансына кайтарылды. Ал 4,5 гектар жерди ээлеп, 16 коттедж, спорт аянтчалары, футбол талаасы жана ресторанды камтыйт.
