Кант шаарында турак жайга болгон талап жогору, бул тууралуу шаар башчысы Улан Майлыбаев «Кабар подкаст» подкастында сүйлөгөндө билдирди.
Ал учурдагы турак жайдын квадрат метри $1100-1200 аралыгында өзгөрүп жатканын белгиледи.
Шаар башчысы ипотекалык үйлөрдүн курулушу жөнүндө да айтты. «Биз башында ГИКке 27 гектар жер бөлүп бергенбиз, бирок жер астындагы суга жакын жайгашкандыктан курулушту баштоо мүмкүн болгон жок. Анын ордуна биз башка участокту сунуштадык: айланма жолдун оң тарабында 60 гектар жер бар, ал жерде ипотекалык объектилерди куруу пландалууда. Азыркы учурда даярдык иштер жүргүзүлүүдө», - деп кошумчалады ал.
