Учурдагы сезондо ал 14 сотых жеринде «Глобус» сортундагы 5 000 хризантема көчөтүн отургузду.
Анын айтымында, гүлдөрдү сатуудан түшкөн киреше традициялык айыл чарбасынан алган кирешеден кыйла жогору.
«Буга чейин биз үйдүн жанындагы үлүш жерди жана бакча менен алектенчүбүз. Бул жылдын башында биз сарымсак отургуздук, аны июнь айында жыйнап алдык, андан кийин ошол жерге гүлдөрдү отургуздук. Биз 5 000 хризантема көчөтүн Өзбекстандан алып келип, отургуздук. Бул декоративдик гүл биздин климатка жакшы ылайыкташат, көп суу талап кылат жана кыш келгенге чейин гүлдөйт. Биз бул долбоорго болжол менен 350 миң сом инвестицияладык, жана бул абдан пайда алып келди. Гүлдөр гүлдөгөндө жана сатууга даяр болгондо, сатып алуучулар аларды оптом 1 миллион сомго сатып алууну сунушташты, бирок мен сатпоону чечтим. Натыйжада, биздин кирешелерибиз абдан жогору болду», - деп бөлүшөт Б. Жоробаева.
Бүгүнкү күндө бир хризантема кустунун баасы анын өлчөмүнө жараша 200дөн 500 сомго чейин өзгөрүп турат.
Келечекте Барно отургузуучу жердин аянтын жана өстүрүүчү гүлдөрдүн ассортиментини кеңейтүүнү пландаштырууда.
