Жыйналган маалыматтарга ылайык, мониторинг максаттуу каражаттардын кантип колдонулуп жатканын көзөмөлдөп, мыйзам бузуулардын алдын алуу жана программаны ишке ашыруунун натыйжалуулугун жогорулатуу үчүн чараларды кабыл алууга мүмкүнчүлүк берет. Бул долбоордун максаты - үй-бүлөлөрдү кыйын жашоо шарттарын жеңүү үчүн активдүү аракеттерге шыктандыруу, алардын социалдык жоопкерчилигин жогорулатуу, кичи бизнести өнүктүрүү жана жаңы жумуш орундарын түзүү.
Быйыл Кыргыз Республикасынын Эмгек, социалдык камсыздандыруу жана миграция министрлиги Иссык-Ата районунда 140 аз камсыз болгон жана муктаж үй-бүлөгө жардам көрсөтүү үчүн квота бөлдү. Социалдык контракттын алкагында каражаттар ар кандай багыттарга бөлүнгөн: 83 үй-бүлө майда мал чарбачылыгы менен, 44 үй-бүлө тигүү өндүрүшү менен, 2 үй-бүлө кондитердик буюмдар менен, 2 үй-бүлө куш чарбачылыгы менен, 5 үй-бүлө курулуш материалдарын өндүрүү менен, 1 үй-бүлө жылыжай менен, 1 үй-бүлө авто жуугуч менен жана 2 үй-бүлө транспорт кызматтарын көрсөтүү менен алектенишет.
«Социалдык контракт» инициативасы пособие алып жаткан үй-бүлөлөргө өз бизнесин ачууга жана жашоо сапатын жакшыртууга жардам көрсөтүүгө багытталган. 2023-жылы колдоо суммасы 100 миң сомду түзгөн, ал эми ушул жылдан баштап 150 миң сомго чейин жогорулатылган. Программага катышкан үй-бүлөлөрдүн арасында жылдык кирешесин бир миллион сомго чейин жогорулаткан жана жаңы жумуш орундарын түзгөн үй-бүлөлөр бар.
