Жогорку Соттун басма сөз кызматынын маалыматына ылайык, иш-чара онлайн форматта өтүп, республика боюнча жергиликтүү соттордун өкүлдөрүн чогултту.
Жогорку Соттун төрагасы Медербек Сатыев Сүйүнбек Касмамбеттин аталган доктринаны иштеп чыгууга кошкон олуттуу салымын белгиледи. Ал ошондой эле «Манас» эпосун угуу үчүн он күндүк иш-чаралар планы түзүлгөндүгүн маалымдады. Бул демилгени ишке ашыруу алкагында өлкө боюнча жергиликтүү соттордо маданий жана билим берүү иш-чаралары, ошондой эле «Манас руху – улуттук рух жана баалуулуктар» аттуу республикалык сүрөт конкурсу өткөрүлдү, ага сот системасынын кызматкерлеринин балдары катышты.
Сүйүнбек Касмамбетов өзүнүн кенен докладында доктринын негизги аспекттерин козгоп, коом үчүн салттардын, адеп-ахлак нормаларынын, ички маданияттын, руханий тазалыктын жана жалпы моралдык баалуулуктардын маанилүүлүгүн баса белгиледи.
