Кыргызстандагы кезексиз шайлоолордо шайлоо иш-чараларын өткөрүү мөөнөттөрү үчтөн бирге кыскартылат. Жогорку соттун орун басары Нургуль Бакирова бул тууралуу ОБСЕнин Демократиялык институттар жана адам укуктары боюнча бюросунун (ДИАУБ) байкоочулары менен болгон жолугушууда билдирди, ошондой эле шайлоо талаштары боюнча соттук териштирүүлөр да ылдамдатылган режимде өтөөрүн белгиледи.
Анын айтымында, мындай иштерди карап чыгуу мөөнөттөрү төмөнкүдөй белгиленген:
Ал кыскартылган мөөнөттөрдүн Административдик-процессуалдык кодексте аталбаганына карабастан, соттор ылдамдатылган процедураны колдонорун кошумчалады. Бул конституциялык мыйзам кодекстен жогору тургандыгы менен байланыштуу.
Бакирова арыздарды берүү мөөнөттөрү калыбына келтирилбестигин баса белгилеп, жарандардын шайлоо укуктарын ылдам коргоонун маанилүүлүгүн белгиледи.
«Соттор шайлоо учурунда өз милдеттерин натыйжалуу аткаруу үчүн көз карандысыз, адилеттүү жана жогорку квалификациялуу болушу абдан маанилүү. Бул саясий партиялардан, талапкерлерден жана башка бийлик структураларынан таасир болбошу, ошондой эле шайлоо мыйзамдарын терең билишип, юридикалык тажрыйбасы жетиштүү болушу керек», — деп белгиледи Кыргызстан Жогорку сотунун орун басары.
