9 Chevrolet Cobalt үлгүсүндөгү унаанын ачкычтары Президенттин иш башкаруучусу Каныбек Туманбаев тарабынан Омбудсмен Жамиля Джаманбаевага тапшырылды.
Бул унаалар өлкөнүн алты облусундагы Акыйкатчынын регионалдык өкүлдөрүнө бөлүштүрүлөт.
«Бул кадам борбордук аппараттын жана регионалдык өкүлчүлүктөрдүн ишин жакшыртуу үчүн маанилүү. Бул жарандардын кайрылууларына ылдам жооп берүүгө жана алыскы аймактарга көбүрөөк чыгууну камсыз кылууга жардам берет, ошентип, бардык региондордо адамдын укуктарын жана эркиндигин коргоону камсыз кылат,» - деп белгиледи Жамиля Джаманбаева.
Акыйкатчынын регионалдык өкүлчүлүктөрүнүн натыйжалуулугун жогорулатууга багытталган иштер акыркы жылдары күчөтүлүп келе жатат, бул институттун мандатынын алкагында адам укуктарын региондордо ишенимдүү коргоону камсыз кылууга багытталган.
Бул иштердин алкагында материалдык-техникалык база бекемделип, офис имараттары оңдолуп, регионалдык өкүлчүлүктөрдүн кызматкерлеринин квалификациясы жогорулатылууда.
