Дарыканын ачылышына Талас районунун акими Байышбек Астанакулов, жергиликтүү өз алдынча башкаруу башчысы Шумкар-Уя Бакыт Кыдыралиев, Талас облусу үчүн «Эл Аман» дарыканасынын координатору, ошондой эле айылдык оорукананын өкүлдөрү жана айылдын тургундары катышты.
Айыл өкмөтүнүн башкармалыгынан билдиришкендей, жаңы дарыкананы түзүү боюнча демилге жергиликтүү депутаттардан жана администрациядан чыккан, алар дарыкананы жайгаштыруу үчүн имаратты даярдашкан. Азыр дарыкана толугу менен жабдылган жана калкты тейлоого даяр.
«Эл Аман» мамлекеттик дарыканасы дары-дармектердин бааларын жеке дарыканаларга караганда орто эсеп менен 10–15% төмөн сунуштайт. Мажбурлуу медициналык камсыздандыруу фонду тарабынан берилген жеңилдиктүү рецепттер боюнча жазылган дары-дармектер 50% дан 100% га чейин арзандатуу менен жеткиликтүү.
