Майрамда мэр Женишбек Токторбаев, кенештин төрагасы Болот Баетов, ошондой эле энергетика тармагында иш алып барган уюмдардын жетекчилери жана энергетиктердин өздөрү катышты.
Жыйналгандарга кайрылып, мэр бул жыл Ош шаарынын энергетикалык системасы үчүн маанилүү жыл болуп калганын белгиледи. Ал жыл ичинде «Кен-Сай» аймагын электр энергиясы менен камсыздоо жана «Эне-Сай» жаңы турак жай массивин электр тармактарына туташтыруу сыяктуу маанилүү долбоорлор ишке ашырылганын баса белгиледи.
Майрамдын алкагында жоопкерчиликтүү милдеттерин жакшы аткарып жаткан кызматкерлерге мэрдин ыраазычылык грамота жана аттуу сааттары тапшырылды. Мындан тышкары, «Ош РЭТ» жана «Сулайман-Тоо РЭТ» компаниялары жаңы кызматтык Porter унааларын алышты.
Ошондой эле Женишбек Токторбаев шаардык коммуналдык ишканалардын жетекчилерине аттуу сааттарды тапшырды.
