Маалыматка ылайык, автобустук рейстердин жетиштүү көлөмү уюштурулган, ошондой эле билет сатуу жана жол киренин негизсиз жогорулашынын алдын алуу боюнча көзөмөл жүргүзүлүүдө. Бул максатта регионалдык башкармалыктар автовокзалда кезектүүлүктөрдү уюштуруп, кырдаалды туруктуу мониторинг жүргүзүүдө.
22-декабрдан баштап Бишкектеги автовокзалдан Ысык-Көл, Нарын жана Талас облустарына 364 рейс уюштурулганы пландалууда. Мындан тышкары, кошумча рейстерди аткаруу үчүн 101 автобус резервде турат. Автобустарды резервдөө боюнча ушул сыяктуу чаралар 2026-жылдын 8-12-январь күндөрү да иштейт.
Мамлекеттин бардык региондорунда үзгүлтүксүз ташууларды камсыздоо максатында, ташуучулар жана автовокзалдардын администрациялары жол киренин негизсиз жогорулашынын алдын алуу боюнча талаптарды сактоо керектиги тууралуу эскертүүлөрдү алышты. Бул талаптардын аткарылышы туруктуу көзөмөлдө болот.
