Бишкектеги Республикалык кан борбору шаар тургундарын донор болууга чакырат, анткени кан запастары өтө төмөн деңгээлде.
«Донорлор ар дайым керек, ал эми майрам учурунда — өзгөчө. Бардыгы жакында болгон карылар үйүндөгү өрттү эскеришет. Жаңы жыл майрамдарында жаракат алуу, кырсыктар жана башка окуялардын саны кескин өсөт», — деп белгилешти борбордун өкүлдөрү.
Жардам берүүнү каалагандарга Бишкек, Ч. Айтматов проспекти, 60 дарегиндеги Республикалык кан борборуна барууну сунушташат.
Борбор донорлор үчүн 7, 8 жана 9-январда 08:00дөн 14:30га чейин ачык болот.
Өзүңүз менен жеке адамды тастыктоочу документ болушу керек.
Кан тапшыруу процедурасынан мурун майлуу, бышырылган жана сүт азыктарынан баш тартуу сунушталат.
Донор болууга даярдык жана мүмкүн болгон каршы көрсөтмөлөр тууралуу кошумча маалыматты 0312 54 19 13 телефону аркылуу алсаңыз болот.
