Борбордун адистери майрамдык мезгилде донордук канга болгон муктаждык көбөйүп, жарандар дем алыш күндөрү жана эс алууларынан улам донордукка аз келишерин белгилешет. Ошол эле учурда, канга болгон муктаждык жогору бойдон калууда же дагы көбөйүүдө.
Жардам берүүнү каалагандар Бишкек, Ч. Айтматов проспекти, 60 дарегинде жайгашкан Республикалык кан борборуна келе алышат.
Борбор майрамдык күндөрдө 7, 8 жана 9-январда 08:00дөн 14:30га чейин иштейт. Өзүңүздүн жеке күбөлүгүңүздү алып келүүнү унутпаңыз.
Канды тапшырар алдында майлуу, бышырылган жана сүт азыктарынан качуу сунушталат.
Донордукка даярдык, каршы көрсөтмөлөр жана башка маселелер боюнча кошумча маалыматты 0312 54 19 13 телефону аркылуу алсаңыз болот.
