Маалыматтар айыл чарба инфраструктурасынын кеңейүүсүн, өндүрүш көлөмүнүн өсүшүн жана жаңы жумуш орундарын түзүүнү көрсөтүүдө.
«Мамлекетте учурда 483 кайра иштетүүчү ишкана иштеп жатат, анын 39у быйыл ачылган. Ошондой эле 5,2 миң чакан ишкана бар, анын 61и 2025-жылы пайда болгон. Логистика инфраструктурасына 40 соода-логистика борбору, 264 жашылча сактоочу жай жана 115 мал союу пункту кирет», — деп айтылат маалыматта.
Сапат стандарттарына өзгөчө көңүл бурулууда: 56 ишканада эл аралык нормалар киргизилген. Айыл жерлеринде кооперативдер активдүү өнүгүүдө — учурда 821 айыл чарба кооперативи иштеп жатат, анын 68и быйыл түзүлгөн.
«Агроөндүрүшчүлөр механизацияда маанилүү колдоо алышты: 9 миң 79 бирдик айыл чарба техникасы лизингге берилди, жалпы суммасы 25,2 миллиард сомду түзөт. Республикада 186 машинно-техникалык станция (мамлекеттик, муниципалдык жана жеке) иштөөдө. Бул чаралардын аркасында тармакта 31 миң 276 жаңы жумуш оруну түзүлдү, анын 1 миң 264ү — жаңы вакансиялар», — деп белгилешти Минсельхоздон.
