Маалыматка ылайык, бул мекемелер жана ишканалар 1969-1973-жылдар аралыгында СССР Министрлер Кеңешинин төрагасы А.Н. Косыгиндин буйругу менен, 1968-жылдын 28-августундагы №1805 токтомуна ылайык негизделген.
Ал убакта Токтогул «Шаар тибиндеги кыштак» статусуна ээ болчу. Жергиликтүү тургундардын ыңгайлуулугун жогорулатуу үчүн 120 чарчы метр аянтка ээ көп кабаттуу үйлөр курулган.
Ошол эле мезгилде ар кандай заводдор, автобаза, райондук «Кыргызсельбхозтехника» бирикмеси, ошондой эле РДСУ, МСО, ПКМ, РСУ жана УОС, административдик имараттар жана башка өнөр жай объектилери курулган.
Бул курулуш аракеттеринин натыйжасында 16 жаңы айыл пайда болуп, болжол менен 4,5 миң типтүү жана турак үйлөр курулган. Мындан тышкары, Маданият үйү, калкты тейлөө борбору, медициналык мекемелер, балдар бакчалары жана мектептер ачылган.
Мындан тышкары, ушул мезгилде Нарын дарыясында Токтогул ГЭСинин эң ири курулушу аяктаган.
