Маданият министрлигинин маалымат кызматынан алынган маалыматка ылайык, жолугушуулардын арасында Венадагы Музыка жана аткаруу искусствосу университетинин ректору Ульрике Сих менен, ошондой эле Австриянын Дүйнөлүк музейинин орун басары Кристиан Шикльгрубер менен сүйлөшүүлөр болду.
Сүйлөшүүлөрдө маданий-гуманитардык байланыштарды өнүктүрүүгө, тажрыйба алмашууга, биргелешкен долбоорлорду жана программаларды ишке ашырууга, ошондой эле жаштарды маданият жана искусство тармагында даярдоо жана окутууга көңүл бурулду.
Мындан тышкары, маданий ресурстарга жеткиликтүүлүк, музей жана аткаруу искусствосун өнүктүрүү, чыгармачыл жаштарды колдоо жана маданий тармакка заманбап технологияларды киргизүү боюнча маселелер талкууланды.
Кыргыз делегациясы австриялык тажрыйбага кызыгуусун билдирип, эки өлкөнүн өкүлдөрүнүн биргелешкен маданий иш-чараларда катышуусун камтыган кызматташтыкты тереңдетүү ниетин растады.
