Министрликтин басма сөз кызматынын маалыматына ылайык, иш-чарага илимпоздор, археологдор, мамлекеттик мекемелердин өкүлдөрү жана туризм тармагындагы эксперттер катышты.
Япониялык археологдор Казуя Ямаучи жана Шюмпей Иваи акыркы он жылда жүргүзүлгөн казууларынан алынган натыйжаларын сунушташты. Мындан тышкары, Улуттук илимдер академиясын өкүлү Валерий Колченко Ак-Бешим эстелигин музейлештирүү концепциясын «Көөнө тарых сырлары» мамлекеттик программасынын алкагында айтып берди.
Талкууланган темалардын арасында туризмдин туруктуу өнүгүүсү, дүйнөлүк мурас объекттерин эффективдүү пайдалануу, маданий эстеликтерди коргоо жана туристтер үчүн инфраструктураны жакшыртуу маселелери болду.
