Талас облусунда 35 600 «акылдуу» эсептегичтерди орнотуу иштери аяктады, деп билдирет Кыргыз Республикасынын Энергетика министрлиги.
Ведомствонун маалыматына ылайык, Айтматов, Манас, Бакай-Ата жана Талас райондорунда мындай эсептегичтер орнотулган.
Жалпы санынын 31 280 эсептегичи бир фазалуу, алар толугу менен пландаштырылып, ишке ашырылган. Мындан тышкары, 4320 жаңы үлгүдөгү үч фазалуу эсептегичтер алмаштырылып, тармакка туташтырылган.
- Бакай-Ата районунда 8268 жаңы эсептегич орнотулду.
- Айтматов районунда - 11 032 эсептегич.
- Талас районунда - 11 164 эсептегич.
- Манас районунда - 5136 эсептегич.
Эсептегичтерди орнотуу иштерин этап-этабы менен улантууда. Бул жаңы түзмөктөр электр энергиясын так эсептөөгө, кемчиликтерди ыкчам аныктоого, жоготууларды азайтууга жана керектөөчүлөр үчүн төлөм процессин жеңилдетүүгө жардам берет.
