Эмгек, социалдык камсыздандыруу жана миграция министрлиги Россияда иштөөнү пландаштырган Кыргызстандын жарандарына маанилүү түшүндүрмөлөрдү берди.
Ведомстводо мекендештерге Россияга кирүүгө тыюу салынган адамдардын тизмесинде өз фамилиясын алдын ала текшерүүнү сунушташты, бул үчүн migrant.kg сайтынан пайдаланса болот.
Минтруд ошондой эле Россия Федерациясынын аймагында легалдуу болуш үчүн бир катар милдеттүү процедураларды сактоо зарылдыгын эскертет:
- 30 күндүн ичинде медициналык текшерүүдөн өтүү, ошондой эле милдеттүү дактилоскопиялык каттоодон жана сүрөттөн өтүү;
- 30 күндүн ичинде убактылуу жашоо ордундагы аймактык миграциялык органда миграциялык каттоого турууга; Москва жана Москва облусуна иштөөгө бараткан адамдар «Амина» мобилдик тиркемесин колдонуп катталса, үй-бүлө мүчөлөрү жалпы тартипте каттала алышат;
- эмгек же жарандык-укуктук келишимди түзүү;
- эмгек же жарандык-укуктук келишимдин негизинде убактылуу болууну 90 күнгө чейин узартуу, миграциялык органдарда миграциялык картанын белгисин алуу.
Эмгекке орношуу боюнча бардык суроолор боюнча жарандарыбыз Россиядагы Минтруддун өкүлчүлүгүнө кайрылса болот, дареги: Москва шаары, Малая Полянка көчөсү, 7-үй, 5-кабат, же телефон аркылуу: +7 996 968 98.
