Ал "газоблоктор цементсиз коюлган. Бул имараттар биздин балдарыбызга жана өлкөгө калсын деп кандайча курууга болот? Эртең баары куласа эмне болот? Муну сапаттуу кылууга болбойт беле, анткени бул үчүн төлөшөт?" - деп нааразычылыгын билдирди.
Курулуш министрлиги бул объект мамлекеттик ипотекалык компанияга таандык экенин жана Караколдогу Тоголока Молдо жана Карасаев көчөлөрүнүн бурчунда жайгашканын тастыктады.
Минстройдун маалыматына караганда, Ысык-Көл облусунун регионалдык башкармалыгы текшерүү жүргүзүп, анын натыйжасында сапатсыз газоблоктор табылып, толугу менен демонтаждалган. Бул иштерди аткаргандан кийин объект курулуш нормаларына жана техникалык талаптарга ылайык келтирилген.
Ошондой эле подряддык уюмга мыйзам боюнча тиешелүү көрсөтмөлөр берилгендиги такталды. Учурда курулуш иштеринин жүрүшү бекитилген долбоордук-сметалык документацияга ылайык улантылууда.
