Мэр Айбек Джунушалиев билдиргендей, кийинки жылы Кожомкул атындагы Спорт сарайындагы эски бассейнди реконструкциялоо пландалууда. Ошондой эле Юлиус Фучик көчөсүндө жаңы оорукананын имараты, Токтоналиев көчөсүндө муз аянтчасы жана көп функционалдуу спорттук комплекс курулат.
Мындан тышкары, Маевкада күрөш залын жана «Ынтымак» турак жай массивинде спорттук объектилерди куруу улантылууда. 2026-жылы «Жаш техникалар станциясынын» төрт кабаттуу имаратынын курулушун аяктоо пландалууда.
Долбоорлордун бири «Чатыр-Куль» кинотеатрынын жаңыртылышы. Мэрияда реконструкция заманбап стандарттарга ылайык жүргүзүлөөрү такталган.
Мындан тышкары, коммуналдык инфраструктураны модернизациялоого басым жасалган. «Тазалык» жана «Бишкекзеленстрой» сыяктуу муниципалдык ишканалардын өндүрүш базасын жаңыртуу пландалууда.
Муниципалитетте белгиленгендей, бул долбоорлордун бардыгы шаардык социалдык инфраструктураны жакшыртууга жана борбордун тургундары үчүн кызмат көрсөтүүлөрдүн сапатын жогорулатууга багытталган.
