Берилген маалыматка ылайык, 2023-жылдын башынан 2026-жылдын февралына чейин 2 миллион 506 миң 791 адам лабораториялык текшерүүдөн өттү. Скринингдин жүрүшүндө 40 миң 942 гепатит В, 23 миң 39 гепатит С жана 1 миң 67 гепатит D учурлары аныкталды.
Бакытбек Кадыралиев ошондой эле терс натыйжалары бар адамдар акысыз вакцинацияга жөнөтүлөрүн, ал эми оң натыйжалары барлар үй-бүлөлүк медицина борборлорунда дарыланарын белгиледи.
Мындан тышкары, электрондук саламаттык сактоо борбору менен биргеликте вирустук гепатиттерден жабыркаган бейтаптардын регистри түзүлдү.
Саламаттык сактоо министрлигинин маалыматына ылайык, 2025-жылы профилактикалык иш-чараларга Кыргызстандагы 1,5 миллионго жакын жаран тартылган.
