Конкурс учурундагы питчинг-сессияларда бизнесин баштоо же кеңейтүү үчүн кичи гранттар алууга татыктуу болгон катышуучулар тандалды.
Натыйжада, Бишкекте 11 аял жеңүүчү болуп, Ошто дагы беш аял жеңишке жетишти. Ар бирине долбоорлорун ишке ашыруу же кеңейтүү үчүн керектүү жабдыктарды камтыган гранттык жардам берилет.
Ар бир катышуучу үчүн гранттык колдоо суммасы 200 миңден 350 миң сомго чейин болот. Бул долбоордун циклынын алкагында 16 бизнес-инициативалар мындай колдоо ала алышат.
«Аракет» долбоору Кыргызстандагы жаңы конуштардын жашоо шарттарын жакшыртууга багытталган жана GFA Consulting Group GmbH компаниясы тарабынан Швейцариянын өнүктүрүү жана кызматташтык агенттигинин (SDC) жана Швейцариянын Кыргыз Республикасындагы элчилигинин колдоосу менен ишке ашырылууда.
