Маалыматка ылайык, сертификаттарды тапшыруу Кыргыз Республикасынын Министрлер Кабинетинин 2022-жылдын 15-июлунда кабыл алынган №385 токтомуна ылайык социалдык контракт негизинде социалдык-экономикалык жардам көрсөтүү боюнча мүмкүн болду.
Сертификаттар Тюп районунун акими Тимур Мадяровдун, анын орун басары Нуржан Алапаеванын жана райондук эмгек, социалдык камсыздандыруу жана миграция башкармалыгынын начальниги Канатбек Курманалиевдин куттуктоолору менен тапшырылды.
2026-жылга 192 квота каралган. Сертификаттарды алган үй-бүлөлөр өз долбоорлорун ар кандай багытта өнүктүрүүнү пландаштырууда: 71 үй-бүлө мал чарбачылыгы менен, 3 үй-бүлө малина, смородина жана клубника өстүрүү менен, ал эми бир үй-бүлө майда соода менен алектенет.
Сертификаттарды тапшыруу аземинде 2023–2024-жылдардагы программа боюнча каражаттарды пайдаланган жана ийгиликтүү ишин жүргүзүп жаткан адамдар да тажрыйбалары менен бөлүштү. Алардын арасында Тогуз-Булак айылынан Наргиза Айтназарова, Михайловка айылынан Мээрим Хиснулинова жана Кутургу айылынан Жанат Кадыракунова бар.
Акыркы төрт жылда 722 үй-бүлө социалдык контракттар боюнча жардам алды, бул аларга кедейликтен чыгууга ишенимдүү кадам таштоого мүмкүнчүлүк берди.
Маалымат: «Социалдык контракт» программасы пособие алып жаткан үй-бүлөлөргө өз ишин баштоого жана жашоо шарттарын жакшыртууга жардам берүү үчүн түзүлгөн. 2023-жылдан баштап колдоо суммасы 100 миң сомду түзсө, быйылкы жылы 150 миң сомго чейин өстү. Программанын катышуучулары арасында жылдык кирешесин миллион сомго чейин көбөйтүп, жаңы жумуш орундарын түзүүгө жетишкен үй-бүлөлөр бар.
Объектилер
Спутник
⛶
