Бул маалыматты шаар мэри Каныбек Адиев өткөн жылдагы аткарылган иштер боюнча жергиликтүү тургундар алдында отчет берүү учурунда билдирди.
Адиевдин айтымында, спорттук комплекс Кашка-Суу микрорайонунда жайгашат.
«Караколдун географиялык жайгашуусу мыкты. Бул жерде 10дон ашык улуттук команда машыгат, анткени шаар деңиз деңгээлинен жогору жайгашкан, бул Олимпия оюндарына спортчуларды даярдоодо маанилүү роль ойнойт», — деди мэр. Ал ошондой эле мамлекеттик органдардын колдоосу менен бул комплекс келечектеги Олимпия оюндарына жана дүйнөлүк деңгээлдеги спортчуларды даярдоого, ошондой эле чет өлкөлүк спортчуларды кабыл алууга курулуп жатканын белгиледи.
Мындан тышкары, комплексте Олимпия стандарттарына ылайык бассейн жана мейманкана курулат.
Адиев ошондой эле 275 орунга ылайыкташкан спорттук интернат куруу пландары тууралуу айтып берди, анын үчүн 5 гектар жер бөлүнгөн. Бул интернатта сегиз спорттун түрү боюнча, анын ичинде беш түрдүү күрөш, лыжа, жеңил жана оор атлетика боюнча машыгуу жүргүзүлөт», — деп кошумчалады ал.
Мэрдин пикири боюнча, спорттук интернат жаш спортчуларды даярдоого зарыл шарттарды түзөт, ошондой эле улуттук жана эл аралык деңгээлдеги спортчулардын өнүгүүсүнө көмөктөшөт жана социалдык жардамга муктаж балдарга колдоо көрсөтөт.
