Сапар учурунда министр 220/110/24 кВ «Тамга» подстанциясын текшерип, жогорку вольттуу электр өткөрүү линиялары, автоматташтыруу системалары жана релейдик коргоо менен таанышып, подстанциянын кызматкерлеринин иши менен таанышкан.
Мындан тышкары, «Тамга»дан Караколго чейин жогорку вольттуу 220 кВ линиясынын ишке ашыруу долбооруна көңүл бурулду, тиешелүү сунуштар каралды. Бул долбоордун алкагында «Тамга» подстанциясын кеңейтүү, кызматкерлердин ишин камсыздоо үчүн жабдууларды сатып алуу жана административдик имараттын чатырына күн панелдерин орнотуу пландалган.
Министр ошондой эле Жыргалан районуна барып, «Ала-Тоо Резорт» курулуп жаткан тоо-шаңгы комплекси боюнча электрлендирүү иштеринин жүрүшүн текшерди. Ал 35/10 кВ «Үч чокусун» жана 35/6 кВ «Жыргалан» подстанциялары менен таанышып, бул аймактагы электр тармактарынын абалын изилдеди.
Атап айтканда, долбоордо 110 кВ «Пржевальск» подстанциясынан 110 кВ «Ала-Тоо Резорт» жаңы подстанциясына чейин 47 км узундуктагы аба линиясынын курулушу каралган. Долбоорлоо аяктады, келишимге кол коюлду, учурда трасса такталып, опорлорду орнотуу үчүн пункттар макулдашылууда. Линия үч айыл өкмөтүнүн аймагынан өтөт, зарыл болгон токтомдор алынган, орман чарбасы жана жер ээлери менен макулдашуу иштери улантылууда. Ошондой эле 110/35/10 кВ подстанциясын куруу үчүн жер белгиленди, документтер даярдалды жана макулдашуу этаптары улантылууда.
Президент Садыр Жапаров 2025-жылдын 8-августунда Жыргалан айылына жакын Ак-Суй районунда жайгашкан «Ала-Тоо Резорт» тоо-шаңгы курортунун негизин салуу аземине катышты.
Мурда долбоор «Үч чокусу» деп аталган, бул Жыргалан, Ак-Булак жана Боз-Учук тоо чокуларына жакын жайгашуусу менен байланыштуу. Биринчи этапта Жыргалан чокусунун этегинде мейманканалар куруу пландалууда.
