Бишкекте, Коллективдүү коопсуздук келишими уюмуна мүчө мамлекеттердин коргоо министрлеринин саммити алкагында, Кыргыз Республикасынын коргоо министри Руслан Мукамбетов менен Беларуссия Республикасынын коргоо министри Виктор Хрениндин ортосунда жолугушуу өттү. Бул тууралуу Кыргызстандын Коргоо министрлигинин басма сөз кызматы маалымат берди.
Переговорлордун жүрүшүндө тараптар Кыргызстандын жана Беларуссиянын коргоо мекемелери ортосундагы эки тараптуу кызматташтыкка байланыштуу актуалдуу маселелерди талкуулашты.
Кыргыз Республикасынын коргоо министри Руслан Мукамбетов, "Кыргыз Республикасы менен Беларуссиянын ортосунда салттуу достук мамилелери бар, алар өз ара урматтоо жана пайдалуу кызматташууга негизделген. Биздин мамлекеттер арасында тарыхый жана саясий контекстте каршы пикирлер же чечилбеген маселелер жок. Биздин мамилелерди мындан ары бекемдөө жана кеңейтүү үчүн чоң потенциалыбыз бар" - деп белгиледи.
Жолугушуунун натыйжасында тараптар 2026-жылга чейин өз министрликтеринин ортосундагы эки тараптуу кызматташтык планына кол коюшту.
