ЛОВУШКИНА Майя Александровна
Архитектор. 1932-жылы Украин ССРинин Днепропетровск шаарында туулган.
1951-жылы Киев инженердик курулуш институтунун шаар куруу факультетин аяктаган.
1961-жылы «Таджикгипрострой» долбоорлоо институтунда долбоордун башкы архитектору болуп иштеген, 1969-жылы «Киргизгипросельхоз» (азыркы ЦНИИЭПовцепром) институтуна которулуп, пландоо бөлүмүндө долбоорлордун башкы архитектору болуп 1982-жылга чейин иштеген.
1982-жылдан бери азыркыга чейин ГлавАПУда пландоо бөлүмүнүн начальниги болуп иштейт.
1957-жылдан бери СССР архитектуралар союзунун мүчөсү.
М. А. Ловушкина 50-жылдарда Фрунзе шаарындагы Турусбеков, 40 жыл Октябрь, Москва, Ленин проспекттери, Мира проспекти боюнча жашоо кварталдарын курууга катышкан. 60-жылдарда Иссык-Ата, Джеты-Огуз курортторун өнүктүрүүгө, Фрунзе шаарынын жанындагы ГЭС-5тин эс алуу зонасын курууга катышкан. Иссык-Кулдагы курорттук зоналардын бөлүштүрүү схемасын, көлдүн түндүк жана түштүк жээгинин райондук пландоосун, Чолпон-Ата курорттук зонасынын схемасын, Кыргыз ССРинин илимдер академиясынын пансионаты, «Солнышко» пионер лагеринин жана башка долбоорлордун генеральдык пландарын иштеп чыккан. 70-жылдарда М. А. Ловушкина Кыргызстандын айылдарын пландоо жана куруу долбоорлорун иштеп чыгуу менен алектенген, анын ичинде Орто-Алыш айылына, ошондой эле Казакстан жана Түркмөнстан үчүн ушундай долбоорлор иштелип чыккан, 1970-жылы Ярослав облусундагы «Киргизстан» совхозунун Шурскол айылын пландоо жана куруу долбоорун иштеп чыккан, Аламедин эксперименталдык айылына конкурсунда катышып, командасынын курамында III сыйлыкка ээ болгон.
