Абдуллаева Майрам Дукуевна

Абдуллаева Майрам Дукуевна

Химия боюнча кандидат. 1959-жылы туулган. Кыргыз мамлекеттик педагогикалык институтун аяктаган.

Учурда Ош мамлекеттик университетинин жалпы жана органикалык химия кафедрасын жетектеп жатат.

1988-жылы Москва шаарында «Туздун негизинде төмөн температурадагы жылуулук өткөргүчтөрдү иштеп чыгуу жана изилдөө» темасында кандидаттык диссертациясын коргогон.

Төмөн температурадагы жылуулук өткөргүчтөр, коррозия жана металлдарды коррозиядан коргоо боюнча адис.

Ал иштеп чыккан калий карбонатынын негизинде жылуулук өткөргүч азыркы учурда Россия Федерациясында, Швейцарияда өндүрүлүп, бул өлкөлөрдүн экономикасынын ар кандай тармактарында колдонулууда.

Доцент, Кыргыз Республикасынын элдик билим берүү отличниги

65тен ашык илимий эмгектери жарыяланган, 6 ойлоп табуунун автору.

Негизги ойлоп табуулары:

1. Төмөн температурадагы жылуулук өткөргүч. СССР патенти № 1527246,1989.
2. Экологиялык жактан таза жылуулук өткөргүч. Кыргыз Республикасынын патенти №775, 2005.
3. Туздуу жылуулук өткөргүч - антифриз. Кыргыз Республикасынын патенти № 776,2005.
4. Жылуулук өткөргүч. Кыргыз Республикасынын патенти №814,2005.
5. Экологиялык жактан коопсуз антифриз «Экосол». Кыргыз Республикасынын патенти № 977,2007.