Кыргыз ССРинин эмгек сиңирген ойлоп табуучусу, Кыргыз ССРинин эмгек сиңирген өнөр жай кызматкери, СССРдин жеңил өнөр жайынын мыкты ойлоп табуучусу. 1938-жылы төрөлгөн. Эмгек биографиясын Ленин атындагы заводдо слесарь-ремонтчу болуп баштаган, андан кийин Фрунзе атындагы айыл чарба машиналарын жасоочу заводдо иштеген.
Бул ишканада чыгармачылык ишинин жүрүшүндө 120дан ашык рационализатордук сунуштар ишке ашырылган. Өзүнүн ойлоп табууларынын негизинде бир катар станокторду жана машиналарды иштеп чыккан. Анын иштеп чыккан өнүмдөрү терини жана териден жасалган буюмдарды өндүрүү боюнча негизги агымдарга киргизилген. Алар экономикалык жактан маанилүү натыйжа берип, кол менен иштетүү процессин механизациялоого же автоматташтырууга жана продукциянын сапатын жогорулатууга арналган.
“Эмгек ардагер” медалы менен сыйланган, “Заводдун ардактуу ардагер” наамы ыйгарылган, Ардак китебине киргизилген, көп жолу “Заводдун мыкты рационализатору” жана “Профессия боюнча мыкты” деп таанылган. СССРдин ойлоп табуучулар жана рационализаторлор союзунун тарабынан көп жолу “Ойлоп табуучулук жана рационализация отличниги” белгиси менен сыйланган.
2001-жылы ойлоп табуучулук ишмердүүлүгүндөгү мыкты жетишкендиктери үчүн Дүйнөлүк интеллектуалдык менчик уюмунун алтын медалы менен сыйланган.
200дөн ашык ойлоп табуулардын автору, анын ичинен 24 өндүрүшкө киргизилген.
2007-жылы 3 китеп жарык көргөн: «Кыргызстандын асмандары», «Биздин замандын сүйүүсү», «Ысык-Көлдүн Феясы».
Негизги ойлоп табуулары:
1. Резинадан буюмдарды жасоого арналган түзүлүш. Автордук күбөлүк № 462731,1975. 2. Барак материалынан даярдоолорду кесүүгө арналган түзүлүш. Автордук күбөлүк № 795962,1981. 3. Ленталык материалды иштөө зонасына берүүчү түзүлүш. Автордук күбөлүк № 893346,1985. 4. Терини механикалык иштетүүгө арналган өтүүчү машина. Россия Федерациясынын патенти № 2074892,1992. 5. Терини механикалык иштетүүгө арналган машинадагы прижим валдарынын узел. Кыргыз Республикасынын алдын ала патенти № 281,1998.
