Бабак Валентин Федорович (1937), техникалык илимдердин доктору (1994), профессор (1996).Украндык. Киев облусунун Смела шаарында төрөлгөн. ФПИни (1961) жана Москвадагы станок-инструменталдык институтунун аспирантурасын (1969) аяктаган.
Токарь, инженер-конструктор, заводдун цех жетекчиси, доцент, кафедра башчысы, ФПИде доцент, окуу-методикалык башкармалыктын начальниги, адистерди кайра даярдоо боюнча атайын факультеттин деканы, 1994-жылдан тарта - профессор, КТУ кафедрасынын башчысы болуп иштеген. Машина куруу объекттерин автоматташтырылган долбоорлоо системаларын иштеп чыгуу боюнча адис; формалдуу- тилдик моделдөө.
Эл аралык информатизация академиясынын академиги (1998). Кыргыз ССРинин Жогорку Кеңешинин Ардак Грамотасы менен сыйланган (1964). КРнын эмгек сиңирген билим берүүчүсү. 120дан ашык илимий эмгектери, анын ичинде 4 монография, 6 окуу куралы, 4 электрондук окуу куралы жана монографиялары жарыяланган.
Негизги эмгектери:
1. Интеллектуалдык САПР ТПны конструирлөө моделдери жана ыкмалары. //ВНИИТЭМР: Вып. 5. Москва, 1990.
2. Технологиялык максаттагы долбоорлоо системаларынын моделдөө теориясынын негиздери. Окуу куралы. Фрунзе. ФПИ. 1989.
3. САПР үчүн математикалык камсыздоо: моделдер жана ыкмалары. Окуу куралы. Фрунзе, ФПИ, 1991.
4. AutoCAD. Лабораториялык практикум. Бишкек, КГУ. МУК, 1996.
5. Прологдо логикалык программалоонун негиздери. Ч. I жана ч. 2. Окуу куралы. Бишкек, КРСУ. 1999.
