Ал ошондой эле, бул маселе өткөн жылы да көтөрүлгөнүн белгилеп, жаңы мектеп куруу үчүн ылайыктуу бош участок бар экенин кошумчалады.
Өз кезегинде, борбордун вице-мэри Азамат Кадыров Ак-Ордо жаңы конушунда жашаган бардык балдар №84 мектепте окуй турганын билдирди. Ала-Тоо жаңы конушунда билим берүү маселесин чечүү үчүн Курулуш министрлиги бир мектептин курулушун аяктап, дагы эки мектептин курулушун баштоону пландап жатат.
Кадыров билим берүү мекемелеринин жетишсиздиги чоң проблема экенин моюнга алды, анткени учурдагы мектептерге жүктөм чоң, ал эми шаар калкы өсүүдө. Ал Билим берүү департаменти жана акимияттар менен биргеликте жаңы мектептерди куруу керек болгон участокторду аныктоо үчүн анализ жүргүзүлгөнүн айтып берди. Вице-мэр Ала-Тоо жана Ак-Ордо-3төгү жаңы курулуштар «№84 мектептеги жүктөмдү азайтат» деп ишенет.
