Депутат Суйунбек Омуракзов акыркы жылдарда борбордун аба сапаты боюнча рейтингдерде төмөнкү орундарды ээлеп жатканын белгиледи. Ал бул баалоолордун чындыгы жана бийликтин аба маселесин жакшыртуу үчүн кандай чараларды көрүп жатканы тууралуу суроо берди.
Жооп катары министр Машиев шаардагы абанын булганышы үч негизги фактор менен байланышканын жана алардын ар бирин жоюу боюнча иштер жүргүзүлүп жатканын айтты. Анын айтымында, кабыл алынган чаралар азыркы учурда жыйынтык берип жатат: «Кыргызгидрометтин» маалыматына ылайык, акыркы 1-2 жылда аба сапатынын жакшыргандыгы байкалууда.
«Биз Бишкек дүйнөдөгү эң булганыч шаарлардын тизмесине кирет деп эсептебейбиз, анткени бизде тиешелүү көрсөткүчтөр жок. Маалыматтардын тактыгына ишенимди арттыруу үчүн мониторинг системаларын жаңылап жатабыз. Алар ишке киргенден кийин так маалыматтарга таянууга болот», - деди Машиев.
Ал ошондой эле жаңы мониторинг системасы 2026-жылдын аягына чейин иштээрин кошумчалады.
Бул боюнча депутат башка бир нече өлкөлөрдө жашылдандыруу аркылуу түтүн деңгээлин 30% га төмөндөтүүгө жетишкенин белгилеп, ушул тажрыйбага көңүл бурууга чакырды.
