Экология министрлигинин маалымат кызматына ылайык, күн тартибинде Кыргызстандын жана Дүйнөлүк банктын туруктуу өнүгүү жаатындагы стратегиялык өнөктөштүк жана кызматташтыкты тереңдетүү мүмкүнчүлүктөрү боюнча маселелер турган.
Жолугушуунун жүрүшүндө атмосфералык абанын сапатын жакшыртуу, климаттык туруктуулукту жогорулатуу жана Дүйнөлүк банк тарабынан каржыланган «Кыргыз Республикасында абанын сапатын жакшыртуу» долбоорун ишке ашыруу сыяктуу аспектилерге өзгөчө көңүл бурулду. Ошондой эле Тоо күн тартибин илгерилетүү боюнча өз ара аракеттенүүнү күчөтүүнүн жолдору каралды.
Министр Машиев министрлик климаттык иш-аракеттер боюнча мыйзам долбоорун даярдоо жана кабыл алуу боюнча активдүү иш алып барууда экенин белгиледи, бул өлкөнүн туруктуу жана төмөн көмүртектүү өнүгүүгө өтүшү үчүн зарыл болгон укуктук жана экономикалык механизмдерди түзөт.
