Бул жолугушуунун алкагында Азия өнүктүрүү банкы тарабынан башталган жаңы регионалдык техникалык жардам долбоору сунушталды, ал «Азия-Тынч океан регионундагы өлкөлөрдүн табигый кырсыктардан кийин туруктуу калыбына келүүгө даярдыгын жогорулатууга» багытталган. Долбоордун ишке ашырылышы табигый кырсыктарга даярдык боюнча Азия борбору жана БУУнун табигый кырсыктардан келүүчү коркунучту азайтуу башкармалыгынын колдоосу менен жүргүзүлүүдө.
Долбоор Бангладеш, Кыргызстан, Монголия жана Тимор-Лесте сыяктуу бир нече өлкөлөрдү камтыйт. Талкуулоодо техникалык жардамдын негизги максаттары жана милдеттери, ЧКнын калыбына келүүгө даярдыгы, ведомстволор аралык координация, милдеттерди жана жоопкерчиликтерди бөлүштүрүү, ошондой эле эл аралык стандарттарга ылайык улуттук потенциалды жогорулатуу боюнча келечектеги кадамдарга көңүл бурулду.
28-29-январда Бишкекте табигый кырсыктардан кийин Кыргызстанды туруктуу калыбына келтирүүгө даярдыгын жогорулатууга арналган орнотуу семинары өтүүдө, ага тиешелүү мамлекеттик органдар жана долбоордун эл аралык өнөктөштөрү катышууда.
