Бишкекте өтүп жаткан форумда Кыргыз Республикасынын экономика жана соода министри Бакыт Сыдыков, өлкөнүн 2030-жылга чейин өнүгүү боюнча Улуттук стратегиясы Борбордук Азиянын регионалдык экономикалык кызматташтык (ЦАРЭС) 2030 программасынын узак мөөнөттүү максаттарына шайкеш келет деп билдирди.
Анын айтымында, Кыргызстан логистика жана регионалдык интеграция боюнча так милдеттерди коюп, логистикалык хаб түзүү, санариптик сооданы өнүктүрүү жана өлкөнүн жашыл энергетика борбору катары позициясын бекемдөө боюнча иштерди жүргүзүүдө.
«Кыргызстандын географиялык жайгашуусу биздин негизги артыкчылыгыбыз болуп саналат, ал Кытайды, ЕАЭБ өлкөлөрүн, Түштүк Азияны жана Европаны байланыштырууда. Биз инновациялар жана стартаптар үчүн мейкиндик түзүүнү, ошондой эле өлкөнү инвесторлор жана ишкерлер үчүн тартуучу кылууну көздөп жатабыз», - деп кошумчалады министр.
Эскерте кетсек, Бишкекте учурда эки күндүк ЦАРЭС бизнес-форуму өтүп жатат.
