Жолугушууга мамлекеттик карыз жана активдер башкармалыгынын начальниги Аман Абдыбапов жана «Виртуалдык активдерди чыгаруу» акционердик коомунун башкы директору Бакыт Мамытов катышты.
Берилген маалыматтарга ылайык, Кыргызстан биринчи жолу фискалдык көрсөткүчтөрдүн туруктуу өсүшү, макроэкономикалык абалдын жакшыртылышы жана инвесторлордун ишениминин жогорулашынын аркасында эл аралык капитал рыногуна чыга алды. Тартылган каражаттар инфраструктураны, энергетика секторун өнүктүрүүгө жана өлкөнүн финансылык системасын чыңдоого жумшалат.
Интервьюда жаңы мамлекеттик стейблкоин USDKG'нын ишке киргизилиши өзгөчө көңүл бурулду, ал физикалык алтын менен камсыздалат. Бул долбоор төмөнкү максаттар үчүн стратегиялык кадам катары каралууда:
– чегара аралык эсептешүүлөрдү жакшыртуу;
– инвестицияларга болгон кызыгууну жогорулатуу;
– финансылык технологияларды кеңейтүү;
– Кыргызстандын экономикалык суверенитетин чыңдоо.
Каржы министрлиги акылдуу бюджеттик саясат жана карыздын туруктуулугун сактоо эл аралык өнөктөштөрдүн ишенимин бекемдөөгө жардам берерин, жаңы инвестицияларды тартуу үчүн ыңгайлуу шарттарды түзөрүн белгиледи.
