Сырткы иштер министрлигинде жаңыланган миграциялык эрежелерге арналган брифинг өттү
МИДдин маалымат кызматына ылайык, Консулдук департаментинин директору Сейтек Жумакадыр уулу учурда өлкөдө 1000ден ашык резидент-карт чет элдиктерге жана жарандыгы жок адамдарга берилгенин билдирди.
Резидент-карта – бул чет элдик жарандарга Кыргызстанда 360 күнгө чейин мыйзамдуу жашоого мүмкүнчүлүк берген уникалдуу документ. Бул карта менен мыйзамдуу иштеп, өз бизнесин ачып, өлкөдө мыйзамды бузбай жашоого болот.
Резидент-картаны интернет аркылуу, «Электрондук виза» порталы аркылуу Сырткы иштер министрлигинин сайтында «Бирдиктүү терезе» системасына арыз берүү менен алууга болот.
Брифингдин жүрүшүндө МИДдин өкүлдөрү резидент-карталарды киргизүү миграцияны:
- башкаруунун натыйжалуулугун жогорулатууга;
- мамлекеттик кызматтарды алуу процессин жеңилдетүүгө;
- керексиз бюрократиясыз мыйзамдуу иштөө жана бизнес жүргүзүүгө;
- чет элдик жарандардын өлкөдөгү укуктук статусун жөнгө салууга жардам берет.
Ошондой эле иш-чарага чет элдик жумушчуларды жумушка алган кыргызстандык компаниялардын өкүлдөрү катышты.
Министрлик резидент-карталарды берүү Кыргыз Республикасынын Президентинин миграциялык процесстерди жеңилдетүүгө багытталган Указынын экинчи этабынын алкагында жүргүзүлүп жатканын белгиледи.
