Эң көп турак-жайдын кымбатташы Бишкекте байкалууда
Курулуш секторунун өнүгүшүнө арналган тегерек столдо, Эл аралык куруучулар ассоциациясынын аппаратынын жетекчиси Кайнарбек Кулуев өлкөдөгү турак-жайдын баасынын көтөрүлүшүнүн себептерин түшүндүрдү.
Анын айтымында, быйыл Бишкектеги турак-жайлардын баасы 35,7%га жогоруласа, Ошто бул көрсөткүч 25,8%ды түзгөн. Мындан тышкары, борбордогу батирлер 17,5%га, Ошто болсо 22,8%га кымбаттаган.
Кулуев баалардын өсүү темптери инфляция деңгээлинен төрт эсе жогору экенин белгиледи. Ошол эле учурда, сатып алуу-сатуу келишимдеринин саны 9,1%га төмөндөгөн, бирок рыноктун жалпы көлөмү акча эквивалентинде мурдагы деңгээлде калган. Бул турак-жайдын жеткиликтүүлүгү төмөндөп жатканын, ал эми калктын реалдуу сатып алуу жөндөмдүүлүгү азайып жатканын көрсөтөт.
Кымбаттоого алып келген негизги факторлордун арасында көп кабаттуу курулуш үчүн жер участкаларынын жетишсиздигин, ошондой эле курулуш материалдары жана кызмат көрсөтүүлөрдүн баасынын жогорулашын белгиледи. Мындан тышкары, Кулуевдин айтымында, преференциялар негизинен мамлекеттик долбоорлорго багытталган.
Кыргызстанда бүгүнкү күндө 1 443 курулуш уюму катталган, алардын 99%дан ашыгы кичи жана орто ишканалардан турат.
Сүрөт www
