24-декабрда Кыргыз Республикасынын экономика жана соода министринин орун басары Медер Туманов Азербайжандын Борбордук Азия өлкөлөрүндөгү соода өкүлү Самед Гасанов менен актуалдуу маселелерди талкуулады. Бул маалымат Кыргыз Республикасынын экономика жана соода министрлигинен алынды.
Талкуу учурунда 2025-жылдын 8-декабрында Бакуда өткөн Биргелешкен өкмөттөр аралык комиссиянын 6-жыйынында жетишилген макулдашуулардын аткарылышынын аспекттери каралды.
Жыйынтыгында тараптар соода көлөмүн жогорулатуу, өнөр жай кызматташтыгын кеңейтүү жана Азербайжан-Кыргыз өнүктүрүү фондунун ишин активдештирүү боюнча эки тараптуу кызматташтыкты мындан ары өнүктүрүү пландарын иштеп чыгышты. ```
