Иш-чаранын уюштуруучусу Кыргыз Республикасынын Экономика жана соода министрлигине караштуу "Кыргыз Экспорт" борбору Афганистандын Соода жана инвестиция палатасы менен кызматташып иш алып барды. Эки өлкөнүн мамлекеттик мекемелеринен жана бизнес коомчулуктарынан 100дөн ашуун катышуучу форумга катышты.
“Кыргыз Экспорт” борборунун директору Урмат Такиров афган ишкерлерине Кыргызстандын экспорттук мүмкүнчүлүктөрүн тааныштырды. Түзүлгөн келишимдер телекоммуникациялык жабдуулар, дары-дармектер, цемент, бал, бут кийим, айыл чарба продукциялары, ошондой эле логистика кызматтарын көрсөтүү боюнча болуп саналат.
Кыргызстандын делегациясын экономика жана соода министри Бакыт Сыдыков баштады. Кабулдагы визиттин алкагында Кыргызстандын соода үйү ачылып, өз ара сооданы кеңейтүү жана экспорттук кызматташтыкты өнүктүрүүгө багытталган эки тараптуу жолугушуулар өткөрүлдү.
Кыргыз Республикасынын Экономика жана соода министрлиги Афганистандагы Кыргыз Республикасынын Элчилигине бизнес-форумду өткөрүүдө жогорку деңгээлдеги уюштуруу колдоосу үчүн ыраазычылык билдирди.
