Конкурстун максаты экспортко багытталган мыкты компанияларды аныктоо жана сыйлоо, ошондой эле кыргыз продукциясынын эл аралык рыноктордогу популярдуулугун жогорулатуу болду.
Салтанаттуу сөздөр менен Кыргыз Республикасынын Экономика жана соода министринин орун басары Султан Ахматов, Соода-өнөржай палатасынын президенти Темир Сариев жана «Кыргыз Экспорт» борборунун директору Урмат Такиров чыгып сүйлөштү. Ошондой эле иш-чарада конкурстун өнөктөштөрү, БУУнун сооданы өнүктүрүү программасынын долбоору жана Европа реконструкциялоо жана өнүктүрүү банкы (ЕБРР) өкүлдөрү катышты.
Бул жылы конкурс үчүн 78 арыз берилди, алардын кылдат анализинен кийин калыстар тобу он ар кандай номинацияда мыкты экспортчуларды тандап алды.
Приздерди алган отуз жеңүүчү сертификаттар менен сыйланды, алар төмөнкү мүмкүнчүлүктөрдү берет:
• эл аралык сапат стандарттарын киргизүү;
• Mini-MBA программасы боюнча окутуу;
• эл аралык көргөзмөлөргө акысыз катышуу;
• ошондой эле Силикон өрөөнүнө (АКШ) сапар.
Иш-чарага БУУнун сооданы өнүктүрүү программасынын долбоору, Европа реконструкциялоо жана өнүктүрүү банкы (ЕБРР), Жогорку технологиялар паркы, Мамлекеттик камсыздандыруу уюму, «Элдик Банк» ААК жана «Альфа Телеком» ЖАК (MegaCom) колдоо көрсөттү.
Ар кандай номинацияларда биринчи орундар төмөнкү компанияларга берилди:
• ОсОО «Кондитерский дом "Куликовский"» - азык-түлүк кайра иштетүү боюнча мыкты экспортчу;
• ОсОО «Дан Агро Продукты» - айыл чарба продукциясынын мыкты экспортчусу;
• ОсОО «Куул Групп» - текстиль жана тигүү өндүрүшүнүн мыкты экспортчусу;
• ОсОО «Кант ТШП» - өнөр жай продукциясынын мыкты экспортчусу;
• ОсОО «Мэд Девс» - кызмат жана IT тармагындагы мыкты экспортчу;
• ОсОО «Кыргызцентрпродукт» - эл аралык стандарттарды киргизген мыкты экспортчу;
• ОсОО «Агро Индустрия» - жылдын жаңычылдыгы;
• ОсОО «Дары Тянь-Шаня» - кичи жана орто бизнес боюнча мыкты экспортчу;
• ОсОО «Талас-Дыйкан» - мыкты регионалдык экспортчу;
• ОсОО «РАИМА» - аял экспортчу.
